Ajo është një supermodele, por kritikat nuk kursejnë as atë! Gisele Bundchen tregoi për herë të parë se ajo gjithmonë është kritikuar se ka një hundë të madhe dhe sy të vegjël.
Bukuroshja braziliane është një nga modelet më të pasura në botë, e cila ka filluar karrierën e saj në vitet 90′.
“Mbaj mend se disa njerëz më thoshin se hunda ime ishte shumë e madhe ose sytë e mi shumë të vegjël dhe si pasojë nuk do të isha kurrë një vajzë kopertinash”, ka thënë Gisele në një intervistë të dhënë për “People”.
“Nuk ishte e lehtë që në moshën 14-vjeçare të përballesha me këto lloj kritikash. Ato më bënë të ndihesha e pasigurt dhe për këtë i tregova babait tim, i cili më tha se nëse do punoja fort dhe të jepja më të mirën, do të shkëlqeja”, shton nëna e dy fëmijëve.
Burimi: People
