Policia po investigon pakon e një droge të gjetur në një “Mercedes” të zi disa ditë pasi supermodelja Kate Moss e shiti.
Përpara se t’ia dorëzonte çelësat pronarit të ri, supermodelja duket se harroi të hiqte kokainën që ndodhej në të.
Substanca u gjet e mbështjellë me një copë gazete nga një burrë, i cili po e pastronte makinën e Moss, pasi ajo e kishte shitur.
Lajmi u konfirmua nga policia për mediat britanike, megjithatë sipas autoriteteve, nuk ka prova për të vërtetuar se droga ishte e 42-vjeçares, mbi të gjitha pasi makina ka kaluar në duart e disa tregtarëve.
Modelja ka qenë në telashe për përdorimin e drogës në të kaluarën, pasi disa fotografi të saj duke thithur kokainë u shfaq në vitin 2005, kur humbi kontaktet me Burberry, H&M dhe Chanel me një vlerë prej 3 milionë dollarësh.
Burimi: Mirror
