Prej disa ditësh po bën xhiron e rrjetit videoja e Mihal Kokëdhimës, i cili sulmoi turistët spanjollë të cilët ikën pa paguar nga lokali i tij.
Kokëdhima iu hodh mbi furgon turistëve, duke i ndjekur e kërcënuar gjatë gjithë rrugës, ndërkohë që theu me grushta edhe xhamin e makinës duke u gjakosur vetë.
U mësua se restoranti i tij “Panorama” në Porto Palermo ishte pa leje ndërtimi, ndaj ditën e sotme forca të shumta policie dhe të Inspektoriatit Kombëtar të Mbrojtjes së Territorit (IKMT), kanë shkuar në Porto Palermo për të shembur restorantin e 51-vjeçarit.
U bë e ditur se restoranti i Mihal Kokëdhimës ishte ende në proces legalizimi, ndërsa i vetmi biznes në emër të tij figuronte një aktivitet në fushën e kultivimit dhe tregtimit të peshkut, i hapur në 12 prill të vitit 2008, por tashmë është i pezulluar.
