Pas ngjarjes së rëndë të regjistruar në një festival në Gjermani, ku autori i sulmit që la të vrarë tre persona është ende në kërkim, policia në Gjermani po bën thirrje për kujdes në qytetin e Solingen.
“Njerëzit në qendër të qytetit duhet të jenë të kujdesshëm,” tha një zëdhënës i policisë së Dyseldorfit. ”Kushdo që sheh një person të dyshimtë duhet të telefonojë menjëherë në 110 dhe të mos flasë me ta”.
Një numër i madh oficerësh janë përfshirë në kërkimin, i cili shtrihet përtej qytetit. Janë ngritur postblloqe dhe janë vendosur njësi speciale.
Kancelari gjerman Olaf Scholz thotë se i dyshuari “duhet të kapet shpejt dhe të ndëshkohet në masën e plotë të ligjit”.
