Kolosi i letrave shqiptare, Ismail Kadare, është shuar në moshën 88-vjeçare.
Sipas të dhënave, kolosi i letrave ka 378 botime në shqip dhe 923 në 44 gjuhë të huaja. Nga 637 botime në 35 gjuhë, janë njëjtësuar 664 të tjera, gjithsej 1301, në 45 gjuhë, ose, dyfishi i tyre. Nga 23 vepra kritike e studimore, 8 janë në frëngjisht, 1 në holandisht, 1 në spanjisht, 13 në shqip që kishte botimi paraardhës, i tanishmi ka 68 me përzgjedhje, 16 në frëngjisht, 8 në italisht, 6 në anglisht, 2 në gjermanisht, 1 në holandisht, 3 në spanjisht, 32 në shqip.
Letërsia e Kadaresë ka dhënë një kontribut të çmuar në krijimin e gjuhës dhe letërsisë kombëtare. Është laureat i shumë çmimeve letrare kombëtare dhe ndërkombëtare. Në vitin 1992 u vlerësua me Prix Mondial Cino Del Duca.
Në vitin 2005 fitoi çmimin “Man Booker Prize” i nominuar krahas nobelistëve Günter Grass, Garbiel Garcia Marquez, Kenzabu Oe etj. Kryetari i jurisë e arsyetoi vendimin për t’i dhënë çmimin Kadaresë me fjalët: “Ismail Kadare është një shkrimtar që hedh në hartë një kulturë të tërë: historinë e saj, dëshirën, folklorin, politikën, fatkeqësitë.
Ai është një shkrimtar universal me traditë rrëfimi që shkon deri tek Homeri”.
Mirënjohjet ndërkombëtare:
-Medalja e Artë e Lidhjes së Prizrenit, Kosovë;
-Prix mondial Cino Del Duca, Francë, 1992;
-Çmimi “Bokaçio” Itali,1997;
-Herder Prize, Gjermani, 1998;
-Ovid Prize, Rumani, 2003;
-Çmimi Man Booker International, Britani, 2005;
-Princi i Asturias për Letërsinë, Spanjë, 2009;
-Çmimi “Lerici Pea”, Itali, 2010;
-Çmimi Jeruzalem, Izrael, 2015;
-Commandeur de la Légion d’Honneur (C. LH), Francë, 2016;
-Çmimi “Letërsia shqipe”, Kosovë, 2017;
-Çmimi “Nonino”. Itali, 2018;
-Çmimi i karrierës akademike, nga Akademia e Shkencave e Shqipërisë, 2018;
-Çmimi Park Kyong-ni, Korea e Jugut, 2019;
-Neustadt International Prize, SHBA, 2020;
-Prozart, Maqedoni e Veriut, 2020;
