Po sikur t’ju thoshim se ka një përbërës që mund të zbusë rrudhat, ta mbajë lëkurën tuaj të hidratuar dhe të duket e bardhë si bora, do të na besonit?
Epo, ky produkt njihet si miku më i mirë i të famshmeve dhe quhet ndryshe kolagjen. Ai është në formë pluhuri, përzihet në smothie-s, në drithërat e mëngjesit dhe madje edhe pihet.
Suada Sherifi ka bërë me dije sot se një nga produktet që e bën të duket gjithnjë e re është kolagjeni. Ajo e përdor atë si suplement shtesë dhe ua rekomandon të gjitha femrave.
Pse është kaq i rëndësishëm kolagjeni?
Kolagjeni është proteina më e bollshme në trup, dhe burimi kryesor i ndërtimit të lëkurës, që i jep butësinë e saj rinore. Ai është gjithashtu një nga komponentët kryesorë në riparimin e lëkurës së dëmtuar, shpjegon dermatologja nga New York-u, Anne Chapas.
Si përdoret?
Do të ishte mirë nëse thjesht hidhni një sasi kolagjeni në vaktin tuaj të mëngjesit dhe ja, lëkura juaj fillon të përmirësohet. Megjithatë kjo duket shumë e thjeshtë për të qenë e vërtetë.
“Shumica e studimeve mbi kolagjenin oral nuk janë mjaft rigoroze për të nxjerrë përfundime rreth efektit të tyre në shëndetin e lëkurës, pamjen ose plakjen e saj”, thonë ekspertët.
“Mendohet se kolagjeni, kur merret në mënyrë orale, ndahet nga ajo që është në thelb proteina dhe pastaj absorbohet nga trupi”.
Që do të thotë se kur trupi juaj e tret kolagjenin, ai nuk arrin në lëkurë si kolagjen. Megjithatë duhet të bëhen më shumë studime për përfitimet e kolagjenit të pijshëm.
“Njerëzit mendojnë se nëse ha ose pi diçka, ajo shkon drejt në lëkurë, por nuk funksionon në këtë mënyrë”, thotë dermatologu Lance Brown.
Po kremrat me kolagjen për fytyrën ia vlejnë?
Për fat të keq, kjo është një tjetër e pavërtetë. Dermatologët thonë se molekula e kolagjenit është shumë e madhe për t’u absorbuar përmes lëkurës. Pra, harrojini kremrat që përmbajnë kolagjen.
Përshtatur nga womenshealthmag.com
