Mbrëmjen e kaluar stuhitë e forta pushtuan territorin e Shqipërisë dhe thuajse në të gjitha zonat u hasën probleme.
Në disa vende pati ndërprerje të energjisë elektrik, dëme materiale apo edhe përmbytje.
Një nga qytetet që u prek ishte edhe Pogradeci, i cili ditën e sotme është zgjuar i shkatërruar.
Në videot e publikuara në rrjetet sociale nga qytetarët shihet se pemët që ndodhen në bregun e liqenit janë thyer dhe era e fortë vazhdon ende.
Mbrëmjen e kaluar një plep bllokoi për dy orë aksin që lidh Pogradecin me Drilonin dhe fatmirësisht nuk pati të plagosur.
Gjithashtu në këtë qytet u regjistrua edhe një aksident i rëndë me 6 të rinj të plagosur. Shkak u bënë reshjet e shumta të shiut.
