Pas disa orësh kërkimesh, është gjetur i pajetë trupi i gruas që doli bashkë me bashkëshortin dhe fëmijët për peshk, pasi peshkarexha e tyre u përmbys nga stuhia!
Mirela Rama doli së bashku me dy djemtë dhe burrin për të mbledhur rrjetat e peshkimit, por nuk u kthye dot më në breg. Sipas burimeve për Shqiptarja.com, ajo u gjet përballë Dhërmiut nga Policia Kufitare në bashkëpunim me rojen bregdetare.
“Një milje përballë Dhërmiut Policia Kufitare në bashkëpunim me Rojen Bregdetare bënë të mundur gjetjen e shtetases M.R , e cila ka humbur jetën si pasojë e mbytjes në det”, bën me dije Policia.
Pasi mori lajmin e trishtë, motra vajton për Mirelën, ndërsa bashkëshorti i saj, tregon momentin se si ka marrë vesh lajmin e trishtë.
“Mua më njoftoi nipi, bab e bir ishin më rëndë, ndërsa djali tjetër është më rëndë, të shoqen nuk e kanë gjetur akoma. Punonin me varkë, kishin dalë për të mbledhur rrjetën familjarisht. Nuk janë nga Himara, kanë nja 2-3 vjet që punon këtu”, tregon ai.
Mësohet se familja kishte dalë në det, në Gjirin e Gjipesë për të mbledhur rrjetat e peshikimit, por i ka zënë stuhia.
