Besnikëria ndaj partnerit është diçka e mirë për shëndetin tuaj. Në të kundërt, të paturit shumë partnerë mund të rrisë rrezikun e prekjes nga kanceri. Kështu thotë një studim i botuar në internet në revistën BMJ Sexual & Reproductive Health.
Studiuesit morën informacionin e mbledhur për Studimin Gjatësor të Plakjes (ELSA), një studim kombëtar përfaqësues mbikëqyrës i mbi të 50-ave që jetojnë në Angli, i cili përfshiu 5,722 njerëz me një moshë mesatare 64 vjeç (2,537 burra dhe 3,185 gra) të cilët – ndërmjet 2012 dhe 2013 – u pyetën sa partnerë seksualë kishin pasur. Gjithashtu, atyre u është kërkuar të vlerësojnë shëndetin e tyre dhe të raportojnë çdo gjendje shëndetësore që kanë përjetuar, madje edhe për një kohë të gjatë që ndikonte në aktivitetet e tyre në një farë mënyre.
Variabla të tjerë të marrë në konsideratë ishin mosha, përkatësia etnike, statusi martesor (tre në katër ishin të martuar), të ardhurat e familjes, mënyra e jetesës (pirja e duhanit, konsumimi i alkoolit, aktiviteti fizik) dhe prania e mundshme e simptomave depresive.
Rezultati: Për të dyja gjinitë, ishin kryesisht më të rinjtë ose ata që ishin më mirë ekonomikisht, që kishin patur më pak partnerë. Ata që ishin në vështirësi ekonomike kishin një numër më të lartë të partnerëve seksualë.
Këto rezultate konfirmuan se infeksionet seksualisht të transmetueshme rrisin rrezikun e prekjes nga kanceri dhe hepatiti. “Megjithëse nuk e dimë saktësisht cilat lloje të kancerit janë diagnostikuar – shpjegojnë autorët e studimit – ne mund të hipotezojmë se rreziku i lartë i kancerit është për shkak të probabilitetit më të madh të marrjes së infeksioneve seksualisht të transmetueshme”.
Një studim tjetër nga Shkolla e Shëndetit Publik Johns Hopkins Bloomberg, botuar në Annals of Oncology, tashmë kishte hetuar rrezikun e burrave për tu prekur nga virusi papilloma në zgavrën e gojës duke zbuluar se lidhet me numrin e partnerëve me të cilët ata kryejnë marrëdhënie orale dhe nga të qenit duhanpirës apo jo. Nëse te gratë probabiliteti luhatet ndërmjet 0.7 dhe 1.5% (në varësi të numrit të partnerëve), nëse jeni mashkull që pini duhan dhe bëni seks oral me më shumë se me 5 persona, është gati 15%.
Deri tani prezervativët janë mënyra më e sigurt për të mbrojtur veten nga infeksionet seksualisht të transmetueshme dhe duhet të përdoren në çdo marrëdhënie seksuale. Zvogëlojnë rrezikun e infektimit, pasi krijojnë një pengesë për infektimin e lëngjeve potencialisht (gjak, spermatozoid, sekrecione vaginale) dhe midis mukozave që mund t’ju infektojnë.
