Muzika dhe teatri vazhdojnë të mbeten ndër sektorët më të goditur nga pandemia, duke qenë se janë të vetmet aktivitete që nuk lejohen, të paktën në vendin tonë. E gjithë kjo vjen për shkak se sipas institucioneve te shëndetit aktivitetet që zhvillohen në ambiente të mbyllura dhe përfshijnë shumë njerëz janë të rrezikshëm për përhapjen e Covid-19.
Mirëpo një studim i kryer së fundmi ka vërtetuar se kjo nuk është fare e vërtetë!
Shanse shumë të ulëta për t’u infektuar nga një aktivitetet në ambient të mbyllur!
Një studim i ri në Gjermani ka sugjeruar se koncertet që mbahen në ambiente të mbyllura mund të kenë ndikim të ulët deri shumë të ulët në përhapjen e Covid-19. Megjithatë organizatorët duhet të kujdesen që të ajrosin ambientet, të ndjekin protokollet e rrepta të higjienës dhe të kufizojnë numrin e njerëzve.
“Nuk ka asnjë argument për të mos mbajtur koncerte në vende të mbyllura. Risku i infektimit është shumë i ulët”, ka thënë Michael Gekle, doktori që ka udhëhequr studimin në Gjermani.
Në gusht u zhvillua një eksperiment, ku 1.400 spektatorë (me maska) u ulën në një sallë për të ndjekur një shfaqje nga Tim Bendzko. Studiuesit i monitoruan të gjithë pjesëmarrësit duke i ulur në vende të ndryshme, duke përdorur makina për të analizuar ajrin dhe dezinfektantë duarsh të lyer me drita fluoreshente.
Po Shqipëria?
Ndërkohë në vendin tonë muzikantet janë shprehur prej kohësh të shqetësuar për krizën financiare që po kalojnë. Prej më shumë se 7 muajsh ata nuk janë të përfshirë në asnjë aktivitet, koncerte apo mbrëmje live dhe nuk kanë marrë asnjë ndihmë nga shteti.
Nga ana tjetër edhe teatrot dhe operat qëndrojnë të mbyllura me pretekstin se nuk mund të respektohen masat anti-Covid. Por qeveria bëri para pak kohësh një lëvizje të shëmtuar duke lejuar hapjen e kinemave, që funksionon njësoj si teatrot, ndërkohë që këto të fundit vazhdojnë t’i mbajnë dyert mbyllur. (KLIKO)
