Ashtu siç ishte paralajmëruar që prej të premtes, studentët dhe pedagogët e Fakultetit të Historisë dhe Filologjisë kanë hyrë sot në grevë.
Ata janë vendosur në oborrin e fakultetit dhe nuk zhvillojnë mësim, pasi kërkojnë që të plotësohen kërkesat e parashtruara më herët.
Korridoret e fakultetit dhe dyert janë mbyllur me shirita, ndërsa studentët dhe pedagogët kërkojnë që VKM-të e miratuara në qeveria në fund të vitit të kaluar të rishikohen, pasi sipas tyre shkelet autonomia universitare.
Zv. Dekani Agron Gjekmarkaj u shpreh për mediat se nëse ligji nuk bie, universiteti nuk do të ketë paqe.
“I bëjmë thirrje qeverisë të mos harxhojë kohë me retorikë, por të flasë për kërkesat e studentëve. Kërkesat i janë drejtuar qeverisë, ne jemi thjesht solidarë me studentët në këtë çështje. Na shqetëson që studentët janë jashtë auditorëve, jemi këtu të kapim mësim dhe dije se për sa kohë ata janë jashtë, nuk funksionon”.
Gjekmarkaj u shpreh se UT do t’i drejtohet Gjykatës Administratave për të rrëzuar VKM-të pasi cenohet autonomia:
“Nuk lejojmë që universiteti të merret në patronazh nga ministrat e Ramës si bëri në show e radhës të Turbina”.
/Panorama
