Studentët kanë paralajmëruar sot se do të mbajnë një protestë të madhe kombëtare. Këtë mëngjes ata kanë mbajtur një mbledhje me dyer të mbyllura, ku kanë përcaktuar disa pika të protestës së sotme.
Sipas planit të bërë publik nga vetë studentët ata edhe sot kanë bojkotuar mësimin. Fillimisht studentët e Shkencave Sociale po zhvillojnë një mbledhje me dyer të mbyllura ku të pranishëm ka edhe pedagogë. Ndërkohë studentët e Fakultetit të Ekonomisë kanë planifikuar edhe bllokim të rrugës.
Ata kanë njoftuar se nga ora 9:00-11:00 do të mblidhen dhe do të protestojnë para fakulteteve dhe më pas në orën 11:30 deri në orën 14:30 do të jenë para Kryeministrisë.
Ja pikat e përcaktuara për protestën e sotme:
1-Takim me dekanët ora 16:00
2-Grumbullim studentësh para fakultetit ora 08:30
3-Nëse dëgjohen thirrje PARTIAKE dhe përfaqësues POLITIKË, do marrim studentët në dorë dhe do t’i zhvendosin nga turma.
4-FEUT distancohen nga partitë politike.
Nga Korça janë nisur rreth 200 studentë, të cilët do t’i bashkangjiten protestës që të zhvillohet në Tiranë. “Ora News” raporton se studentët janë nisur që në orët e para të mëngjesit me 4 autobusa. Kauza e studentëve është jo politike, prandaj në protestë janë thirrur të gjithë shqiptarët, pa dallime.
