Pas debatit online që çoi në fyerje personale nga ana e reperit Stresi, moderatorja Hygerta Sako heq dorë përfundimisht nga intervistat.
Ajo është shprehur se është bërë shpesh “viktimë” e portaleve të cilat kanë nxjerrë nga konteksti përgjigjen e saj, vetëm për disa klikime më shumë.
Hygerta ka sqaruar për Blitz, thelbin e përgjigjes së saj, duke theksuar se nuk ka asgjë personale me Stresin, por thjesht me muzikën rep, e cila nuk i pëlqen aspak.
“Është e disata herë që portale të ndryshme, pa pikë profesionalizmi, vetëm për disa klikime, marrin fjali të intervistave të mia dhe i interpretojnë si të duan duke krijuar tituj bombastikë dhe për të bërë “lajme”. E fundit është abuzimi që është bërë në lidhje me deklaratën time për Stresin. Më duhet të sqaroj që s’kam asgjë personale me të, respektoj punën e çdokujt edhe pse mund të mos hyjë në shijet e mia. Kush e ka marrë mundimin të degjoje intervistën, do e kuptonte që nuk fola për Stresin, por për MUZIKËN RAP. Dhe në fund të fundit kam të drejten time ta pëlqej diçka ose jo. Nuk i vë faj as Stresit dhe as fansave të tij që kanë lexuar vetëm titujt e ketyre portaleve pa pikë morali dhe respekti për njerëzit, i mirëkuptoj. Por ama kuptova që jemi thjesht “viktima” që përdoremi për të bërë klikime. Ndaj marr VENDIMIN që mos të dal më, në asnjë interviste këtej e tutje. U kërkoj ndjesë kolegëve të mi gazetarë, që mund të më kontaktojnë në të ardhmen. Nuk do lejoj më që fjalitë e mia të keqpërdoren dhe keqinterpretohen!!!””, u shpreh ajo.
Dje Hygerta u shpreh se nuk e njeh Stresin dhe nuk përdhunon veshët me muzikë rep dhe kjo shkaktoi një reagim të fortë nga reperi:
