Reperi i dashur për publikun shqiptar Arkimed Lushaj, i njohur ndryshe si Stresi ka rënë sërish në telashe me Policinë e Shtetit dhe shkak është bërë shpejtësia e tejkaluar.
Teksa po udhëtonte me makinën e tij, këngëtari është ndaluar nga efektivët e Policisë, të cilët e pikasën duke udhëtuar me shpejtësi tej normave të lejuara.
Ka qenë vetë këngëtari që ka ndarë episodin e pakëndshëm me fansat e tij nëpërmjet një videoje live në Instagram.
Videoja është fshirë nga profili i reperit, por aty këngëtari shprehte revoltën e tij ndaj efektivëve, të cilët i akuzonte se gjithçka ia bënë ‘kastile’.
Stresi shprehej se edhe makinat e tjera po ecnin shpejt, por blutë kanë ndaluar vetëm atë.
“Ma bëjnë kastile se dihen problemet e mia, por edhe te tjerët po ecnin shpejt,”- tha reperi ndër të tjera.
Kujtojmë se kjo nuk është hera e parë që këngëtari ka probleme me drejtësinë, pasi ai ka qëndruar për tetë muaj në burgun e Fushë-Krujës, sepse u arrestua në tetor të vitit 2018 në një hotel në zonën e Linzës me lëndë narkotike dhe armë zjarri.
Ditën e djeshme, Stresi festoi 33-vjetorin dhe organizoi një super festë e cila zgjati thuajse gjithë natën dhe në rrjete sociale ndau pamje nga festa e ditëlindjes.
https://www.instagram.com/p/CBb6cJWJVOQ/?igshid=1iiw8qfj5au72
Mes urimeve të shumta, mungoi ai i partneres së tij, Keisit, e cila ndodhet në Kanada.
Dyshja nuk ndiqet në rrjete sociale dhe teksa Stresi organizonte ditëlindjen e tij të 33-të, Keisi tregoi në Instagram se po shijonte rrezet e diellit. (Lexo këtu)
