Reperi Stresi po kalon një nga momentet më të vështira pasi partnerja e tij është larguar nga Shqipëria.
Kejsi ka arritur tashmë në Kanada, aty ku ka jetuar dhe studiuar prej vitesh. Bukuroshja brune ka publikuar disa foto në Instagram, ku tregon se më në fund ka mbërritur në qytetin e saj.
Pavarësisht se gjysma tjetër ndodhet në Shqipëri, Kejsi lë të kuptohet se Kanadaja për të është si shtëpia, pasi ka kaluar aty pjesën më të madhe të kohës.
Ajo madje ka filluar edhe punë dhe kjo ka qenë një ndër arsyet kryesore që është larguar.
Por si po e përjeton Stresi, këtë largim? Ashtu siç do bënte çdo njeri tjetër në momente të tilla, ai ka gjetur ngushëllim në krahët e familjes.
Stresi është takuar me vëllain e tij dje, Reneo Lushaj, me të cilin ka publikuar një foto në Instagram, ku shkruan:
“Rrallë e për mall. Vëllai e do vëllain afër në momentet më të vështira”.
Me sa duket reperi po e vuan largimin dhe shpresojmë që koha kur të bashkohet me Kejsin e tij, të mos jetë e largët.
