Stresi dhe Juliana Nura janë dy nga konkurrentët më të fortë në ‘Big Brother VIP Kosova’. Që në nisje të show-t, dyshja kanë qënë rivalë dhe debatet mes tyre kanë qënë të shumta.
Por, mesa duket ‘ujërat e trazuar’ kanë filluar të qetësohen. Mbrëmjen e djeshme Stresi i ka kushtuar një këngë Julianës dhe atë e ka prezantuar me të gjithë.
“Që dy muaj e gjysme kemi pasur debate të thella, kemi lëndu shumë njerëz të dy dhe na erdhi idea e pastaj e shkruam dje tekstin e refrenin e kemi bërë sonte. Shpresojë që të na e merrni këtë si pjesë të mirë nga ana e jonë sepse jemi duke dhënë një shembull shumë të madh pavarësisht se jemi në një lojë’- tha Stresi.
Stresi e quan motër Julianën dhe thotë se është vëllai i saj.
“Kjo është motër dhe unë jam vëllai i saj e gjithçka le të ngelet. Kur të bashkohen dy fuqi si Stresi dhe Juliana”
Kënga fillon me frazën “Juli ti se din por për mua je heroinë” dhe titulli i saj është “Kosovë-Shqipëri”.
Nuk dihet se përse Stresi ka ndryshuar kah në lojën e tij, e po i qëndron pranë Julit. Ndoshta kjo është strategji e përdorur nga ai, pasi e shikon se Juli është e fortë dhe e pëlqyer nga publiku.
Mbetet të shihet me kalimin e kohës, e nëse me të vërtetë do të jenë si motër e vëlla.
