“Bad boy for life” është shprehja me të cilën Stresi identifikon veten, por kur vjen puna tek familja gjithçka ndryshon. Reperi ka treguar se me njerëzit e zemrës nxjerr në pah gjithmonë anën e tij më të mirë dhe përveç prindërve duket se Stresi ka dhe dy persona të tjerë pikë të dobët.
Ditën e sotme reperi ka publikuar një video nga shtëpia e gjyshërve të tij, duke treguar se nuk harron kurrë që një pjesë të kohës t’ua dedikoj atyre. Në njërën prej videove shihet se gjyshja e ka qerasur me një llokum me arra dhe reperi i thotë se i duket njësoj “si në kohën e Enverit” dhe ajo qesh pas batutës së tij.
Stresi ka treguar se me ta ka një lidhje shumë të fortë dhe me këtë rast ju ka dhënë një këshillë shumë të vyer të gjithë ndjekësve të tij në Instagram. “Duaje gjyshin e gjyshen se na kanë rritur. Ata po plaken, por unë kurrë nuk do t’ua harroj kujdesin që patën për mua. Zoti i bekoftë”, ka shkruar reperi.
Po ashtu më herët, Stresi është shprehur se ai mërzitet shumë që vitet kalojnë kaq shpejt dhe që ne nuk e kuptojmë kurrë se po kaq shpejt plaken prindërit e njerëzit tanë më të afërt. Epo nuk u thamë kot se kur vjen puna tek familja djali i keq bëhet mirë, sepse sigurisht dashuria të ndryshon në 360 gradë!
