Stresi është një reper kaq shumë i komentuar dhe i dashur për publikun. Ai ka shprehur së fundmi haptazi mbështetjen e tij për Flori Mumajesin.
Mirëpo Stresi ka publikuar një Instastory, ku shkruan se sa shumë ndikim ka patur Flori në karrierën e tij artistike.
“Ti erdhe në jetën time, kur jetën nuk e doja, më solle dashurinëkur edhe atë nuk e besoja. Më bone të lumtur në kulmin e trishtimit, kur rrugën e kisha humbur në kthesën e dështimit. Ti do jesh gjithmonë perandor i muzikës shqiptare”, shkruan Stresi.
Kantautori Flori Mumajesi, bëri një deklaratë sa të çuditshme aq edhe të papritur. Ai lajmëroi përmes rrjeteve sociale se ka fshirë këngët e tij më të rëndësishme nga kanali zyrtar në “YouTube.”
Menjëherë pas kësaj reagimet në rrjet kanë qenë të shumta, kryesisht në mbështetje të këngëtarit, megjithatë nuk munguan as skeptikët.
Mirëpo, së fundmi ai na ka surprizuar që të gjithëve. Këngëtari ka publikuar këngën e tij më të re të titulluar “Mbaroj për ty”.
Sot ishin të ftuar në emisionin “Breaking” këngëtari Tiri Gjoci, gazetarja Klotilda Harka, dhe CEO i “Akromax” Aldor Nini.
Ky i fundit u shpreh se Flori nuk i kishte fshirë përfundimisht këngët nga “YouYube-i”, por i kishte kaluar në private.
“Nga ajo që kemi verifikuar, këngët e Florit nuk janë fshirë, sepse po të ishin fshirë është një porces që nuk të lejon ti kthesh prapë. Në rastin e Florit, këngët janë kaluar në privat, kemi gjetur linqet në bazë të publikimeve që ka bërë Flori në Tëitter, dhe këngët rezultojnë private me qëllim”– u shpreh ai.
