Policia e Tiranës ka arrestuar mbrëmjen e sotme reperin shqiptar, Stresi, emri i vërtetë i së cilit është Arkimed Lushaj. Reperi u ndalua në ambjentet e një hoteli në zonën e Linzës dhe shoqërohej nga një femër dhe nuk ishte e fejuara e tij zyrtare, Kejsi.
Policia bën të ditur se Arkimed Lushaj shoqërohej nga një vajzë 20-vjeçare me inicialet P. Ç, e cila po gjykohet në gjendje të lirë për veprën penale “moskallëzimit të krimit”.
“Nga veprimet hetimore të kryera në lidhje me ngjarjen e mësipërme filloi procedimi penal në gjendje të lirë në lidhje me veprën penale të “Moskallëzimit të krimit”, parashikuar nga neni 300 i Kodit Penal ndaj shtetases P. Ç., 20 vjeçe, banuese në Tiranë” – deklaron policia.
Gjatë kontrollit të ushtruar, Stresit iu gjetën një sasi e vogël lënde narkotike e dyshuar kokainë, një armë zjarri pistoletë e tipit “Pjetro Beretta”, si dhe 12 fishekë të modelit 7.65 mm.
Arkimed Lushaj akuzohet për akuzat penale “Mbajtje pa leje dhe prodhim të armëve shpërthyese dhe të municioneve” si dhe “Prodhim dhe shitje e lëndëve narkotike”.
