Reperi i njohur shqiptar, Stresi, ka marrë një urim special nga njeriu i zemrës së tij, me rastin e ditës së lindjes.
Mesa duket marrëdhënia e tyre po bëhet gjithmonë dhe më serioze. Ai ka publikuar në profilin e tij mesazhin e urimit të saj për ditëlindjen, por pa treguar identitetin e partneres së tij.
“Dashuria e jetës sime ka 30-vjetorin sot. Nëse nuk e njeh, ta tregoj unë se kush është ai. Mashkulli me të cilin unë dua të kaloj jetën quhet Arkimed. Ai është parajsa ime, personi që mua më do po ashtu siç e dua unë. Njeriu që mbështetet tek unë dhe më lejon të mbështetem tek ai. Ai që më ka mbajtur në gjoksin e tij në ditët më të errëta dhe më të bukura. Dikush që më ka dhënë mijëra kujtime, por edhe më ka ndenjur pranë për të më ndihmuar që të kaloj pengesat që kemi përpara. Ti je ky, njeriu që unë admiroj…”, ka shkruar e dashura e Stresit.
“Flm e dashura dhe e shtrenjta ime ti je arsyeja qe un jam sot njeri me fat. My Love”, – ka mbishkruar krahas fotos Stresi.
