U mendua se të gjitha aventurat e reperit Arkimed Lushaj me policinë morën fund pas fejesës së tij me të dashurën Kejsi.
Por reperi i njohur me emrin ‘Stresi’ është bërë sërish një “djalë i keq” pasi është ndaluar nga Policia e Tiranës.
Burime nga policia për Syri.net raportojnë se pas një kontrolli të ushtruar në banesën e tij, unifromat blu kanë shoqëruar për në komisariat Stresin.
Ende nuk dihen motivet e shoqërimit, ndërsa mësohet se efektivët kanë kontrolluar shtëpinë e tij dhe dyshohet se mund të kenë gjetur diçka të jashtëligjshme.
Jo zyrtarisht burimet thonë se “këngëtari është duke u verifikuar”. Raportimet e para flasin se ne lokalin ku po qëndronte mbrëmjen e djeshme Stresi dhe disa të tjerë, u gjet kokainë.
Mbrëmjen e sotme në orën 21:00 Stresi është parashikuar të këndojë live në qytetin e Shkodrës dhe nuk e dimë nëse do t’i zhgënjejë fansat.
Stresi dhe partnerja e tij Kejsi kanë vetëm dy muaj më parë zyrtarizuan me fejesë lidhjen e tyre 4-vjeçare.
