Moda vazhdon të rikthejë trendet e viteve të kaluara. Pavarësisht se dy vite më parë u alarmuam, pasi menduam se streçet ishin në modë vetëm nëse shkoje në stërvitje, prej 2017-s sfilatat treguan të kundërtën.
Streçet janë një trend i kthyer nga vitet ’80, por këtë sezon vijnë të kombinuara në stile të ndryshme. Në atë kohë nuk bëheshin me materialet e ditës së sotme, që qëndrojnë pas trupit apo vijnë me ngjyra të guximshme.
Sot nuk zgjidhen vetëm për stile minimaliste apo sportive, por edhe për kombinime ekstravagante apo klasike.
Të famshmet shqiptare kanë treguar se po mbështeten te kjo veshje nëse dalin për një ecje, për të prezantuar një spektakël apo për klipin e ri të këngës.
1.
Luana Vjollca zgjedh kombinimin e streçeve me një këmishë për një paraqitje “casual”. Detaji kryesor janë atletet e bardha.
2.
Ajo pëlqen të eksperimentojë me stile të ndryshme. Moderatorja Alketa Vejsiu i sjell streçet në formën e tyre më klasike. Ajo zgjodhi streçe rozë me xixa për t’i kombinuar me një bluzë saten dhe taka. Përfundimi, klas dhe sensuale!
3.
Streçet mund të kombinohen shumë mirë me çizmet e gjata dhe shembull kemi Dafina Zeqirin.
4.
Për diçka më të përditshme, streçet Lori Hoxha i kombinon me pulovër sportive, atlete të bardha dhe çantën e mesit.
5.
Pse mos të zgjidhni një komplet? Kida guxon me ngjyrën e verdhë.
6.
Për një shëtitje apo për stërvitje të gjithë jemi dakord me stilin e Era Istrefit.
