Stili i veshjes për shumë femra ndryshon gjatë shtatzënisë, por kjo është e gabuar!
Zerina Akers, stilistja personale e Beyonce, por edhe e shumë personazheve të tjerë të famshëm ka treguar disa truke mode për t’u dukur bukur edhe gjatë shtatzënisë.
Por cilat janë gabimet më të mëdha që bëjnë gratë shtatzëna, përsa i përket të veshurit, sipas Zerina?!
“Sinqerisht të mendosh se nuk mund të dukesh bukur, vetëm se je shtatzënë është gabimi më i madh që bën një grua shtatzënë. Pjesa më e madhe e grave që janë në pritje të ëmbël mendojnë se nuk mund të duken moderne, sepse nuk ka veshje të bukura për format e tyre të rrumbullakosura. I gjithë sekreti është tek gjetja e mënyrave të reja, si dhe përfshirja e sa më shumë veshjeve dhe modeleve. Nuk është e thënë që duhet të blesh patjetër në dyqane veshjesh shtatzëne, thjeshtë duhet të gjesh veshjen që të qëndron më mirë”, është shprehur stilistja e famshme.
