Nëse kohët e fundit keni ndjekur në rrjetet sociale Kim Kardashian apo modelen Bella Hadid, nuk ka sesi t’ju ketë shpëtuar ai që është dhe trendi më i ri në botën e modës: Streçet e çiklistëve.
Me siguri disa kohë më parë do ta mendonit mirë për të dalë në rrugë me një palë të tilla, pooor, sot thjesht mund t’ju etiketojnë si një fashionista, sigurisht nëse dini të bëni kombinimin e duhur. Ndaj, fashionista shqiptare me banim në Austri Tea Myzyri na sugjeron tre kombinimet më cool të pantallonave që po shndërrohen në fiksimin e ri të ushtrisë së fashionistave nëpër botë.
Kombinimi 1
Një “boss lady” në versionin 2018. Një xhaketë kostumi e zezë, çantë brezi, streçe çiklisti dhe taka të larta! Sytë e të gjithëve do të jeni mbi ju me këtë kombinim të guximshëm.
Syzet model cat eye plotësojnë më së miri look-un e po ashtu edhe bizhuteritë e shndritshme.
Kombinimi 2
Shtojini një dozë feminiliteti veshjes suaj duke kombinuar streçet e çiklistit, me një kanotiere në të njëjtën ngjyrë me detaje dantelle dhe një kimono me motive lulesh.
Mos ngurroni të shtoni aksesorë të tjerë me ngjyra të theksuara për një pamje të denjë për foto street style.
Kombinimi 3
Stili bohemian takon atë sportiv. Nëse mendoni se me atlete dhe streçe çiklisti do të dukeni gati për palestër, atëherë vishni një bluzë stil bohemian dhe do të keni një look tërësisht të ri dhe super modern.
