Është zyrtare! Kryefjala e këtij sezoni mode janë padyshim çantat e strukturuara, në veçanti ato në formë cilindrike dhe për këtë kemi prova. Prej disa muajsh, modeli i famshëm “Petite Boite” i Louis Vuitton po bën namin mes fashionistave në të gjithë botën ndaj nëse nuk e keni ende një çantë të tillë, nxitoni të gjeni tuajën sepse blogerja Alba Hodo na njeh me tre super kombinime për aksesorin më “In” të momentit.
Kombinimi 1
Stili bohemian me pëlhurat e derdhura si në rastin e këtij fustani të gjatë të bardhë bën kontrastin perfekt me çantën e strukturuar.
Nëse edhe ju si Alba do të qëndroni tek ngjyrat neutrale, jepini më shumë gjallëri veshjes me aksesorë me ngjyrë si një shall apo një tjetër aksesor koke. Gjithashtu, këtë veshje mund ta bëni edhe më stil duke zgjehdur një palë çizme model cowgirl.
Kombinimi 2
Nëse deri më tani keni ngurruar të vishni funde të gjatë, atëherë ky është momenti. Kombinojeni fundin me bluzën tuaj të bardhë të preferuar dhe kështu, e gjithë vëmendja do të jetë tek çanta.
Por mos anashkaloni aksesorët verorë, si vathët dhe syzet me ngjyra.
Kombinimi 3
Fustanet e shkurtër në formë pardesysh pa mëngë vijojnë të jenë në modë edhe për këtë sezon dhe një version disi më veror me vija është thjesht perfekt për çantën e strukturuar.
Alba e ka plotësuar look-un e saj me aksesorë në ngjyrë të kuqe ku bien në sy veçanmërisht syzet stil “Matrix” dhe vathët në formë thekësh.
