Stevie Wonder ka komentuar “sherrin” e bujshëm mes Drake dhe Kendrick Lamar. Këngëtari dhe kompozitori legjendar u pyet nga TMZ se çfarë mendonte për grindjen e dy reperëve dhe u përgjigj: “Çdo lloj lufte është e keqe për botën“.
Lamar dhe Drake janë grindur prej disa vitesh dhe së fundmi kanë publikuar këngë në të cilat shkëmbejnë akuza të rënda ndaj njëri-tjetrit. Ndërsa grindjet vazhduan, një roje nga stafi i sigurisë së Drake u qëllua për vdekje në një përleshje me armë jashtë rezidencës së tij kanadeze javën e kaluar. Policia tha se ishte e paqartë nëse ngjarja kishte apo jo lidhje me grindjen e reperëve.
I pyetur nëse sherri mes Lamar dhe Drake e ka shqetësuar atë, Stevie Wonder u përgjigj: “Nuk kam ndonjë ndjenjë të keqe, thjesht mendoj se njerëzit duhet të përqendrohen në atë që po ndodh, sepse këto gjëra janë thjesht shpërqendrim. A e dini luftërat që po ndodhin tani? A jeni në dijeni të problemit të të pastrehëve? ».
Stevie Wonder says the Drake & Kendrick Lamar feud is a distraction from the real issues that are going on in the world.
(🎥: @TMZ) pic.twitter.com/NniRj40630
— The Art Of Dialogue (@ArtOfDialogue_) May 10, 2024
Grindja u përshkallëzua pak ditë më parë kur Lamar sulmoi Drake dhe J Cole me këngën e tij “First Person Shooter”. Që atëherë ajo ka tërhequr vëmendjen pasi në një video të postuar në Instagram, zyrtarët e fushatës së Presidentit të SHBA Joe Biden morën këngën e Lamar ‘Euphoria’ dhe ndryshuan disa nga tekstet që fillimisht kishin për qëllim të sulmonin Drake dhe i përshtatën kundër ish-presidentit të SHBA-së, Donald Trump.
