Emma McKeon, notarja australiane, ka fituar 7 medalje në Tokyo, duke u bërë sportistja e dytë në histori të Lojërave Olimpike që ka arritur një gjë të tillë.
MecKeon tregoi një formë të shkëlqyer në finalen 50 metra për femra duke thyer rekordin olimpik me një kohë prej 24 sekondash.
Ajo mori pjesë në 7 disiplina të ndryshme në garat e notit, duke fituar 4 medalje ari dhe 3 bronzi në një olimpiadë të vetme.
Në vitin 1952, diçka të tillë e ka bërë më parë vetëm gjimnastja sovjetike Maria Gorokovskaja e cila arriti këtë sukses.
Me 9 medalje ne total në Olimpiadën e Tokyo-s, Australia mban vendin e dytë në garat e notit, pas SHBA me 11 tilla.
Po ashtu, Laurel Hubbard ka hyrë në histori si gruaja e parë transgjinore që garon në lojërat olimpike. Kjo është hera e parë që një atlete transgjinore merr pjesë në 125 vite histori të lojërave olimpike. Megjithatë peshëngritësja nga Zelanda e Re nuk arriti të ngjitej në podium, sepse nuk e preku dot raundin final.
Duke garuar në klasën e 87+ kilogramëve, Hubbard nuk mundi të ngrinte 125 kilogramë duke e lënë atë jashtë finales. Pavarësisht se nuk arriti suksesin e dëshiruar, Hubbard u shfaq në fund të garës shumë e lumtur dhe përshëndeti me dorë publikun.
