Bota e futbollit shqiptar është sot në zi, pas ndarjes nga jeta të ish-futbollistit Skënder Hyka.
Ish-futbollisti u nda nga jeta në moshën 74-vjeçare, si pasojë e komplikimeve shëndetësore, në orët e para të mëngjesit të kësaj të enjteje.
Hyka ishte pjesë e ekipit Kombëtar të Shqipërisë dhe për një kohë të gjatë ka qenë sulmues i ekipit të Tiranës, dikur “17 Nëntori”.
Hyka lindi më 6 shtator 1944 dhe gjithë karrierën e tij e zhvilloi me ekipin e vendlindjes, Tiranën.
Që nga viti 2009, ai ka qenë kryetari i Komisionit të Konkurrencës si dhe pjesë e Komitetit Ekzekutiv të Federatës Shqiptare të Futbollit që nga viti 1993.
