Stella McCartney nderoi këngëtarin e ndjerë George Michael sot në Paris, gjatë mbylljes së sfilatës , për prezantimin e koleksionit vjeshtë/dimër 2017.
Modelet u mblodhën në fund të sfilatës për të kënduar një këngë të Michael, “Faith”, një version ritmik i këngës, me të cilën po kërcenin në vendet e tyre edhe Natalia Vodianova dhe motra e stilistes, Mary McCartney.
Dizajnuesja solli një finale të përshtatshme për një shfaqje, e cila mund të quhet shumë britanike. Nga veshjet mbretërore te ato urbane dhe sportive, te veshjet e frymëzuara nga pikturat e shekullit të 18-të George Stubbs, dizejnuesja ishte frymëzuar shumë nga arti.
Sa i përket veshjeve të mbrëmjes, dizajnuesja qëndroi sërish te tema britanike , duke ofruar fustane të pambukta dhe jumpsuit me motive të materialit deve dhe dizajnit të marinës.
McCartney prezantoi çizmet me përbërje druri dhe atlete të përbëra nga tekstile, që u përmbahen politikave strikte të markës së Stella McCartney për mirëqenien e kafshëve.
