Të gjithë për James Bond! Mbrëmja e djeshme solli bashkë pijen Belvedere dhe filmin më të ri të serive Bond ‘Spectre’. Gjithçka trajtohej si një skenë e 007.Vetë ftesa për filmin ‘Spectre’ shoqërohej nga imazhi i martini cockteil dhe të mrekullueshmen Stephanie Sigman.Pija ishte pjesëmarëse në sekuenca të filmit, një bashkim midis vodkës Belvedere dhe Martini, le të themi që ne vajzat u ndjemë nga pak Lea Seydoux duke mbajtur në dorë pijen klasike e duke pozuar pranë imazheve Bond.
Të ftuarit ishin pjesë të showbiz-it Shqiptar, të gjithë kuriozë për të shijuar cockteilin Martini dhe për të qenë vlerësues të filmit ‘Spectre’. Kokoshkat shoqëruan artistët në dy orët e Bond plot me reagime ndaj skenave heroike të Daniel Craig.
Filmi ‘Spectre’ ka dhënë premierat e tij botërore gjatë gjithë kësaj jave në mbarë botën duke u kthyer në një tjetër sukses botëror të Daniel Craig.Me skena të realizuara në teknologjinë e fundit dhe me muzikën kryesisht nga Sam Smith, i gjithë filmi u shoqërua nga duartrokitjet e të ftuarve.
