E-Albania, portali qeveritar që solli shërbimet publike që gjendeshin në zyrat dhe sportelet fizike të institucioneve, online. Portali funksionin në mënyrë të tillë që qytetari përmes kartës së identitetit, regjistrohet dhe aplikon për shërbimin që i nevojitet. Kjo është implementuar që prej vitit 2015.
Por specialistët e IT kanë ngritur shqetësime të tjera. Gent Progni, përmes një statusi në Facebook, ka ngritur një alarm pasi dokumentet me vulë elektronike që i shkarkojmë nga e-Albania, janë lehtësisht të ndryshueshme gjatë kohës që ata gjenerohen.
Alarmante çdo dokument i dalë me vulë elektronike në e-Albania është lehtësisht i ndryshueshëm gjatë kohës që gjenerohet! Çdo institucion bankar, çdo institucion privat dhe shtetëror duhet të bllokojë pranimin e dokumenteve të gjeneruar nga e-albania me vulë elektronike! Ftoj prokurorinë të hapë hetimet, SPAK të hetojë pse është lënë kjo hapësirë kaq e thjeshtë për editimin e dokumenteve. Praktikisht unë mund të martohem me dokument zyrtar me kë të dua, të bej dokument zyrtar me çfarë emri dhe mbiemri të dua, certifikatë pronësie si të dua etj etj !!!!
