Megjithëse pronarët e tyre ishin në kërkim, qeveria dhe bashkia e Tiranës vazhdonin të paguanin prej vitesh me taksat tona inceneratorin, që as nuk ishte në gjendje funksionale. SPAK ka bërë sot lëvizjen që duhet të kishte ardhur prej kohësh!
Autoriteti deklaron se ka prova që faktojnë se Klodian Zoto dhe Mirel Mërtiri janë pronarët “de facto” të shoqërisë “Integrated Energy B.V SPV” sh.p.k, që ka fituar kontratën koncesionare të inceneratorit të Tiranës, megjithëse kanë përdorur persona dhe shoqëri të tjera për të fshehur gjurmët e tyre.
Mërtiri dhe Zoto janë edhe pronarë të kompanisë mëmë të shoqërisë “Geogenix B.V.”, të themeluar në Hollandë me emrin “Integrated Energy B.V”, ndërsa kanë udhëzuar dhe i kanë marrë vetë vendimet.
Ata zotërojnë në mënyrë indirekte shoqërinë “F.M.O.” sh.p.k., për llogari të së cilës kanë blerë një pasuri të paluajtshme, me sipërfaqe 611 m2, me vlerë 1,000,000 Euro, në Durrës.
Sipas të dhënave, Zoto dhe Mërtiri kanë përfituar në sajë të faturave tatimore të falsifikuara, vlerën monetare 409,428,000 lekë, ndërsa mbi pasuritë e tyre nga xhepat e shqiptarëve u vendos më në fund sekuestro.
Pas rënies së Tigrit, radhën e kanë të gjithë miqtë e tij të përfshirë në afera, të cilët të gjithë jemi në dijeni cilët janë. Ata do të arrestohen njëri pas tjetrit, për të paguar për krimet e tyre.
Vendimi i sekuestrimit të inceneratorit të Tiranës nga SPAK do të shpëtojë më një fund taksat e ‘humbura’ të shqiptarëve, që investoheshin prej kaq kohësh në incenerator nga Qeveria dhe Bashkia e Tiranës.
