28-29 nëntori padyshim janë dy nga datat më të rëndësishme për Shqipërinë dhe shqipëtarët kudo ndodhen.
Ditën e djeshme të gjithë festuam Ditën e Flamurit, ndërsa sot Shqipëria përkujton 78-vjetorin e Çlirimit nga forcat italiane e gjermane.
29-nëntori siç dihet është një datë e rëndësishme, pasi përkon me Çlirimin e vendit tonë.
Nga historia dimë se prej 7 prillit të vitit 1939 e deri më 29 nëntor të vitit 1944, Shqipëria ishte e pushtuar nga Italia fashiste dhe pas kapitullimit të saj, në vjeshtë të vitit 1943, Shqipëria u pushtua nga forcat gjermane.
Në fund të nëntorit 1944, pas Çlirimit të Tiranës, më 17 nëntor dhe pjesës kryesore të Shqipërisë së Veriut, mbeti vetëm qyteti i Shkodrës dhe qarku i tij për t’u çliruar.
Edhe kjo ndodhi më 29 nëntor të vitit 1944, datë e cila shënon ditën e çlirimi të Shqipërisë nga pushtimi gjerman.
Një fakt interesant që duhet përmendur është që Shqipëria është vendi i parë në Ballkan që u çliruan me forcat e veta, ndërsa të gjitha shtetet e tjera të Ballkanit u çliruan me ndihmën e Armatës së Kuqe.
Kujtojmë që ditën e djeshme ishin të shumtë personazhet e njohur që uruan Festën e Flamurit.
Në mbrëmje u mbajt edhe koncerti madhështori i Dua Lipës në sheshin “Skënderbej”.
Në 110-vjetorin e Pavarësisë një urim i veçantë erdhi edhe nga Rita Ora për të gjithë shqiptarët. Artistja uroi të gjithë në gjuhën shqipe: “Gëzuar Ditën e Flamurit Shqipëri.”
