Sot, më 14 tetor do të nisë viti i ri akademik për studentët e ciklit të studimit Bachelor.
Studentë nga i gjithë vendi i drejtohen sot auditorëve për nisjen e vitit të ri Akademik.
Njoftimi në fakt është bërë më herët nga ministrja e Arsimit, Besa Shahini, me futjen në fuqi të urdhrit n.330 datë 07.06.2019, për fillimin e punës së institucioneve të arsimit të lartë.
Ndërkohë, nga 23 dhjetori 2019, deri më 3 janar 2020, është caktuar periudha e pushimeve për ndërrimin e viteve.
Në këtë urdhër thuhet gjithashtu se mësimi për studentët do të përfundojë më 30 shtator 2020.
