Sot mos bëni gabim t’i ndaheni çadrës, pasi sipas parashikimeve të MeteoAlb, mesdita sjellë zhvillim të vranësirave dhe shira të izoluar.
Gjatë paradites do të ketë alternime kthjellimesh dhe vranësirash të herëpashershme në vendin tonë. Parashikohet që pasditja dhe mbrëmja të përmirësojnë dukshëm kushtet e motit në Shqipëri që do të vijojnë me kthjellime gjatë fundjavës.
Temperaturat e ajrit mbeten konstante në mëngjes, por rriten lehtë në mesditë duke luhatur vlerat ditore nga 12°C deri në 33°C. Era do fryjë mesatare me shpejtësi 40 km/h nga drejtimi Verilindor-Veriperëndimor duke krijuar ne det dallgëzim 4 ballë.
Kontinenti Europian në pjesën më të madhe të tij do të përfshihet sërish nga mot i kthjellët dhe temperatura të larta. Konkretisht në temperatura të larta paraqitet Pellgu i Mesdheut dhe pjesërisht Qendra e Europës. Ndërsa Ballkani Perëndimor pjesërisht paraqitet me mot të vranët dhe rrebeshe shiu.
