Ministri i Turizmit Blendi Klosi e ka nisur në një mënyrë krejt atipike angazhimin e tij me politikën.
Ndërsa shumica e nisin si pjestarë organizatash, anëtarë forumesh rinore apo edhe artistë apo gazetarë, Blendi Klosi e ka nisur me një profesion që nuk ka takim qoftë edhe tangent me politikën.
I ftuar tek “Rudina”, Ministri i Turizmit dhe Mjedisit tregoi se ai punonte ekspert IT (i teknologjisë së informacionit) kur Fatos Nano, asokohe kryeministër, e ftoi t’i hynte politikës.
“Mbaj mend që në ato vite sapo kishin filluar të vinin kompjuterët në Kryeministri dhe puna e parë ka qenë shtrimi i kabujve të rrjetit të kompjuterëve. Më pas kam bërë kurse për formimin e stafit të Kryeministrisë për të shkruar në kompjuter. Kam filluar nga fundi i vitit 1995, në ’97 erdhi Fatos Nano, i cili më ftoi të isha pjesë e stafit të tij. U lidha me të dhe strukturat e Partisë Socialiste”.
Edhe pse planet e Blendi Klosit 25-vjeçar për të ardhmen mund të kenë qenë të tjera, si i thuhet, gjaku s’bëhet ujë dhe duket se herët a vonë, do t’i hynte politikës.
“Në fakt e gjithë familja ka qenë e lidhur me politikën. Daja im ka qenë një nga themeluesit e PS në vitin ’90. Si familje i përkasim të majtës dhe erdhi natyrshëm. Ne jemi disa breza që përfaqësojmë zonën e Mallakastrës në Parlament, nuk jam i pari deputet me mbiemrin Klosi, kanë qenë të paktën 4 breza. Është një profesion si gjithë profesionet e tjera, por që është shumë agresiv sepse gjithë kohën je në syrin e publikut dhe duhet të jesh perfekt në raport me opinionin apo votuesit. Nëse inxhinier je gjithë jetën, politikan je për sa kohë votohesh.”, tha Klosi.
Rudina – Blendi Klosi ne nje rrefim per karrieren ne politike dhe familjen! (28 maj 2019)
www.tvklan.al Emision info-argetues nga Rudina Magjistari ne KLANHD & TVKLAN; I ftuar në emisionin “Rudina” në Tv Klan, Klosi foli për lidhjen e fortë me bashkëshorten Nora Gega, emocionet e dasmës dhe marredhënien me dy fëmijët. “E paska zbrazur Nora gjithë arkivën, ishte shumë emocionues kolazhi me foto ose mbase po plakemi dhe emocionet po na shtohen, po lëshojmë veten.
