Sot dy vite më parë, gazetari i njohur Eno Popi u bë baba për herë të parë.
Partnerja e tij prej vitesh, Atena Pali, i dha jetë bebushit të tyre në SHBA, ku ishte vendosur prej javësh në pritje të fëmijës.
Çifti u bë me vajzë të cilën e quajtën Liv dhe padyshim e vogla ka zbukuruar jetët e tyre.
Sot Liv mbush 2 vjeç, ndaj mami Atena ka ndarë në Instagram momentet më të ëmbla që prej lindjes së saj e deri më sot, ndërsa krahas fotove i bën urimin më të bukur.
“Gëzuar ditëlindjen bebushes time që po rritet kaq shpejt! Dy vite më parë më bëre njeriun më të lumtur dhe tani unë jetoj vetëm për buzëqeshjen tënde.”- shkruan Atena krahas postimit.
Tashmë Liv është bërë një zonjushë e vogël e adhurueshme, mirëpo hera e fundit që e pamë në profilin e Enos në Instagram ishte një vit më parë.
Duket se ai preferon të jetë më i rezervuar lidhur me jetën private, ndaj dhe postimet e tij janë kaq të rralla.
