Baladat e ndjera dhe zëri i tij karakteristik i çmendin vajzat shqiptare. Është një ndër këngëtarët më të preferuar dhe këngët e tij kthehen në hite. Valon Shehu e ka zbuluar vonë talentin e tij në muzikë, atë që sot është kthyer sot në profesionin e tij.
Nga studio e “Wake Up”, Valoni ka zbuluar se ka qenë një djalë i mbrapshtë dhe rrugaç, që zihej me çunat e lagjes dhe nuk prekte asnjë libër me dorë.
“Mami për të më larguar nga rruga më çoi në kurs kitareje”, tha Valoni në “Wake Up”.
Familja duke u përpjekur që ta kthenin në rrugë të drejtë djalin e tyre problematik, menduan ta fusin në një kurs kitareje, pa e pasur idenë fare nëse Valoni kishte apo jo talent në muzikë. Këngëtari simpatik tregoi se për herë të parë ka kënduar përpara shkollës së tij kur ka qenë në klasë të tetë. Nga ky moment ai u shndërrua nga djali i keq, në djalin e preferuar të vajzave.
