Bukuroshja e ekranit, Elita Rudi, është një ndër moderatoret më të njohura, e cila në shkurt të këtij viti u bë nënë për herë të parë.
Ajo solli në jetë vogëlushin Zëri, i cili është bërë kryefjala e jetës së saj dhe Gjikos si dhe një ndër bebushat më të famshëm të showbiz-it shqiptar.
Elita numëron mijëra ndjekës në profilin e saj në Instagram dhe me plot bindje e themi se është një ndër vajzat më simpatike të televizionit.
Mirëpo, jeni kuriozë të shihni si dukej moderatorja para famës?
Vetë Elita ndau me ndjekësit e saj në Instagram disa foto ku shfaqet në moshë të vogël dhe fare mirë mund të dallojmë tiparet e ëmbla të cilat i ruan edhe sot.
Me flokë të gjatë të lëshuar dhe me fjongo mbi kokë, Elita ka pozuar duke buzëqeshur pranë “babagjyshit”, teksa në dorë mban një kukull.
Ndërsa në një tjetër foto, Elita shfaqet me një kapele mbi kokë dhe vihet re se i vogli i saj, Zëri, i ngjan shumë moderatores në pozat e shkrepura në fëmijëri.
