Kjo ditë është tepër e veçantë për motrat, Lori dhe Sara Hoxha. Mamaja e tyre e dashur, Vjollca feston ditëlindjen dhe urimet e dy prej vajzave më të njohura për shqiptarët nuk kanë munguar.
Lori dhe Sara preferuan ta ndajnë gëzimin dhe krenarinë e tyre për të ëmën me të gjithë ndjekësit e “Instagramit”.
“Drita e syve të mi! Ata që të njohin si unë, e dinë që bota ka shumë pak njerëz si ti; me zemrën më të madhe, me këmbë në tokë e me kokën gjithmonë lart. Qofsh e bekuar aq sa je e bukur. Gëzuar Ditëlindjen Mam!” shkruan Lori teksa publikon foton e të ëmës.
Ndërkohë, as Sara, e cila prej pak javësh e javësh ka vendosur ta kthejë publik “Instagramin” e saj, nuk hezitoi ta falënderonte dhe t’i shprehte gjithë mirënjohjen.
Ajo i kujton të gjithëve që Vjollca Hoxha është aktualisht një gjyshe e re, dhe në fakt, nuk duket aspak si e tillë.
