Sot data shënon 20 mars, një datë shumë e rëndësishme e shëndetit mendor për shkak se është emëruar si Dita Ndërkombëtare e Lumturisë.
Qëllimi i Ditës Ndërkombëtare të Lumturisë është të rrisë ndërgjegjësimin mbi vlerën e lumturisë në jetën e të gjithë njerëzve dhe ndikimin e përgjithshëm që mund të ketë në mirëqenien e një personi.
Në korrik të vitit 2012, Asambleja e Përgjithshme e Kombeve të Bashkuara adoptoi një rezolutë, sipas së cilës Dita Ndërkombëtare e Lumturisë do të shënohet çdo vit më 20 mars.
Për të festuar, njerëz në të gjithë botën organizohen dhe u sjellin lumturi të tjerëve.
OKB thotë se për të rritur lumturinë globale, zhvillimi ekonomik duhet të shoqërohet me mirëqenien sociale dhe mjedisore.
Kjo ditë pranon se lumturia është një objektiv themelor i njeriut, dhe u bëhet thirrje vendeve për të hartuar politika publike në mënyra që përmirësojnë mirëqenien e të gjithë popujve.
“Kthehu më i lumtur” është tema për vitin 2022 dhe synon të arrijë rimëkëmbjen globale nga pandemia COVID-19. Familjet dhe miqtë nuk kanë qenë në gjendje të jenë së bashku për periudha të gjata kohore për shkak të bllokimeve dhe normave të lidhura me pandeminë. Ekonomia dhe mjetet e jetesës së njerëzve janë dëmtuar rëndë.
