Në hemisferën veriore të globit sot nisi stina e dimrit. Dielli sot lindi në juglindje, ndërsa perëndoi në jugperëndim. Dita e sotme pati kohëzgjatjen më të shkurtër në vit, ndërsa natën më të gjatë. Dimri do të zgjasë 89 ditë, deri më 20 mars të vitit 2017, kur do të nisë stina e pranverës.
Megjithatë në regjionet e Arktikut, Dielli fare nuk do të lindë. Dita më e shkurtë e vitit zakonisht bie me 21 dhjetor por kjo datë ndryshon në secilin vit për shkak të ndryshimit të vogël ndërmjet kohës që e përdorim ne dhe kohës solare, për shkak të së cilës në çdo 4 vite, një vit është i brishtë, shkruan “The Independent”.
Civilizimet e lashta e kanë shënuar ditën më të shkurtër në mënyra të ndryshme ndërsa njëri prej vendeve më karakteristik në botë, të nderuar në kuptimi të solisticit, është Stonehenge në Britani.
Paganët modernë edhe sot e kësaj dite mblidhen në atë vend me rastin e ditës më të gjatë dhe më të shkurtër. Stonehenge është ndërtuar para disa mijëra viteve dhe është bërë në atë mënyrë që të përputhet me pikën e perëndimit të Diellit gjatë solisticit dimëror. Në nderim të ardhjes së dimrit, druidët e lashtë kanë therur kafshë dhe kanë pirë birrë dhe verë.
Artur Pendragon, i cili është në krye të druidëve britanikë thotë se solistici dimëror është dita më e rëndësishme e vitit, sepse pret “Diellin e ri”.
