Sophie Turner ka pranuar se është penduar shumë për veshjen që kishte zgjedhur në dasmën e kolegëve Kit Harington dhe Rose Leslie.
Aktorja, 24 vjeç, kishte veshur një fustan xhaketë në ngjyrë të kuqe të ndezur, me çizme të zeza mbi gju, në ceremoninë e yjeve të “Game of Thrones” në vitin 2018, në të cilën ajo mori pjesë bashkë me mikeshën Maisie Williams.
Sidoqoftë, aktorja tha në një intervistë për revistën “ELLE” se veshja nuk ishte zgjedhja e parë pasi ajo kishte dy veshje vërtet klasike, por asnjëra prej tyre nuk i përshtatej.
Sophie, e cila është e martuar me Joe Jonas, 30 vjeç, pranoi se nuk ishte hera e parë që ajo vendoste për një veshje në minutën e fundit, por kjo ishte zgjedhja më e keqe që kishte bërë.
“Kjo ishte një nga pamjet e mia më të këqija. Pata një urgjencë mode. Të dyja veshjet me të vërtetë klasike që kisha zgjedhur nuk më përshtateshin. Ishte një katastrofë. Ishte një fatkeqësi. Zgjedhja më e keqe e modës”, u shpreh ajo.
Zgjedhjet e saj të modës janë diskutuar shpesh. Kur burri i saj mbushi 30 vjeç vitin e kaluar, Sophie kishte veshur një fustan të zi Alexandre Vauthier sepse ajo dëshironte të ishte “vajza Bond” dhe nuk i interesonte fakti që të njëjtin fustan kishte veshur një prej ish-të dashurave të Joe-t, Taylor Swift, në festën Vanity Fair për Oscars në 2016-n.
