Në lajmin e ditës nga bota e flokëve, duam t’ju paralajmërojmë se ndoshta duhet të përgatiteni shpirtërisht, sepe mund t’ju kapë një dëshirë e papritur për të prerë baluke edhe pse mund të mos ju shkojnë aspak.
Ju paralajmërojmë sepse kjo na ndodhi neve fill pasi pamë në rrjet fotot e reja të aktores së famshme të “Game of Thrones” Sophie Turner.
Bjondia bukuorshe, së fundmi dhe bashkëshorte e Joe Jonas, u shfaq ditën e djeshme në Londër, ku ndodhet në një tur mediatik për premierën e “X-Men: Dark Phoenix”, me një modle të ri mahnitës flokësh.
Turner ka zgjedhur një look disi “grunge”, me baluke të drejta që korniozjnë fytyrën dhe një shkallëzim të lehtë që i shkon më së miri portretit të saj.
Me një grim të errët të syve dhe e veshur me një kostum blu kadife, aktorja dukej ekzaktësisht si një supermodele e viteve ’90.
