Pak kohë më parë, në një intervistë për NIN në Klan Kosova, Soni tha se ende nuk e ka nisur bashkëjetesën në ҫift, por janë drejt asaj rruge me partnerin e saj Klevin.
Nuk dihet nëse ky hap është marrë nga ҫifti, por këngëtarja, marrëdhënien me Klevin e ka konsoliduar tashmë, aq sa nuk bën asnjë lëvizje pa marrë miratimin e tij.
Kështu ka deklaruar së fundi në një intervistë për programin “You&Me” në radion “NRG”, përballë Julka Gramos dhe Arjon Muçës: “E konsideroj gjysmën time. Dua të jem me të në çdo stad. Pa miratimin e tij, nuk bëj asgjë. E quaj partner jete…” – ka thënë Soni e pyetur për marrëdhënien me partnerin.
Për më shumë se vit, Soni dhe Klevi nuk e fshehin më dashurinë. Pothuaj në çdo event artistik, ҫifti shihen bashkë dhe të lumtur në krahët e njëri-tjetrit. Soni tregon se, më shumë se gjithçka, ajo gjithmonë ka dashur që partnerin, mbi të gjitha, ta ketë shok të ngushtë.
