Këngëtarja e talentuar Soni Malaj ditën e sotme ka qenë e ftuar në emisionin “E diell” që transmetohet në “Top Channel”, prej ku është përlotur teksa po fliste për babanë e saj i cili ka ndërruar jetë.
Gazetari Ervin Kurti, mes të tjerash e pyeti nëse i mungon babai, dhe kaq ka mjaftuar që Soni të emocionohet dhe të përlotet: “Unë kam dashur shumë që ai të më shikonte në një recital, sepse gjithmonë më ka parë në festivale. E vuante shumë atë pjesën emocionale dhe e vuante pjesën e çmimeve, madje më është lutur të konkurroj me këngën ‘Ndarja’ në ‘Top Fest’ sepse më thoshte se emocionohej kur e këndoja.”
Ndërkohë, në vijim, këngëtarja u pyet se si e ka përballuar ndarjen nga jeta të babait dhe divorcin, dhe ajo pohoi se me ndarjen nga jeta të prindit nuk krahasohet asgjë.
“Gjëja më e tmerrshme në jetën e një njeriu është kur ndahet nga jeta një familjar. Nuk kalohet lehtë!”- tha Malaj. /revistawho.com
