Soni Malaj feston sot 39 vite jetë dhe në këtë ditë speciale ka marrë qindra urime speciale nga miq e të afërm të saj. Ishin të shumtë kolegët që e uruan publikisht ditëlindjen, por surprizën më të bukur për të e kishin përgatitur në mbrëmje.
Këngëtarja ka treguar se këtë vit nuk kishte menduar të festonte për shkak të pandemisë, por miqtë e saj e kanë surprizuar. Ata kanë organizuar një festë për Sonin dhe duket se kanë menduar vetë për të gjitha detajet e këngëtarja ka mbetur e habitur.
“Jemi në kohë pandemie dhe nuk e kisha menduar që mund të festoja ditëlindjen, por falenderoj miqtë e mi që më organizuan diçka të vogël, por me shumë dashuri”, ka shkruar Soni përkrah disa fotove të saj.
Në festën e ditëlindjes së këngëtares duket se kanë qenë të pranishëm disa nga koelgët e saj dhe një ndër ta, Sinan Hoxha, i cili ka publikuar në rrjete sociale një foto me Sonin.
