Gjithnjë e më shumë, media po hedh dritë mbi ngjarje të rënda të abuzimeve seksual ndaj të miturave, që është kthyer tashmë në një shqetësim shoqëror në rritje.
Sipas Porta Vendore, bazuar në raportimet e mediave, gjatë 3 viteve të fundit kemi jo pak, por të paktën 15 raste të bujshme të ngacmimeve seksuale deri tek përdhunimet me të mitur.
Akoma më shqetësues bëhet fakti se mjaft prej këtyre rasteve janë konsumuar nga njerëz të emëruar në institucionet shtetërore që paguhen nga taksat e qytetarëve, siç ishin rastet e bujshme, që u zbuluan pak muaj më parë, një roje shkolle (KLIKO) dhe një polic (KLIKO), apo punonjës ne jetimore. (KLIKO)
Më 4 qershor, marrë shkasë nga abuzimi i 15-vjeçares nga roja i shkollës, u ngritën në protestë qindra aktivistë, të rinj e qytetarë, për drejtësinë e saj dhe për të gjitha vajzat apo gratë që abuzohen dhe dhunohen, por nuk mund ta thonë me frikën e paragjykimit.
Aso kohe, veç dënimit me burg për abuzuesin, u kërkua që të nisë zbatimi i një procedurave që njihet si kastrimi kimik i pedofilëve, kërkesë kjo e ripërsëritur edhe nga Qendra për Mbrojtjen e të Drejtave të Fëmijëve në Shqipëri.
Po çfarë është kastrimi kimik?
Kastrimi i njohur ndryshe nga populli si tredhja kryhet pa kirurgji. Mjekët tregojnë se kastrimi kryhet më anë të një injeksioni me ilaçe të ndryshme, që në mënyrë efektive nuk mund të kryesh marrëdhënie seksuale.
Ndryshe nga kastrimi kirurgjik, ku bëhet heqja e testikujve, kastrimi kimik nuk prek organin gjenital as nuk është një formë e sterilizimit. Kastrimi kimik përgjithësisht konsiderohet i kthyeshëm kur ndërpritet trajtimi, pavarësisht se ka raste kur mund të shihen efektet të përhershme në kiminë e trupit.
Kur nisi dhe ku përdoret kjo metodë?
Aplikimi i parë i kastrimit kimik ndodhi në vitin 1944, kur u përdor një ilaç i quajtur ‘diethylstilbestrol’ me qëllim të uljes së testosteronit të burrave. Kastrimi kimik shpesh në disa vende është parë si një alternativë më e lehtë për burgimin e përjetshëm ose dënimin me vdekje, sepse lejon lirimin e abuzuesve, ndërsa zvogëlon ose eliminon mundësinë që ata ta kryejnë sërish veprën penale.
Kjo metodë ndiqet në shumë vende të botës si në Argjentinë, Australi, Angli, Gjermani, Poloni, Moldavi, Estoni, Rusi, Francë, Danimarkë, Kanada, Zelanda e Re, Izrael, Indi, Indonezi, Korea e Jugut dhe 8 shtete në Amerikë.
Krimet seksuale përbëjnë një ndër krimet dhe shkeljet më të rënda për integritetit fizik, moral dhe emocional të fëmijëve duke tjetërsuar çdo aspekt të qenies dhe të të drejtave të tyre.
Në shumicën e këtyre vendeve, përpos kastrimit kimik, personat që kryejnë akte të tilla dënohen me 15 vjet heqje lirie. Në SHBA, pedofilët janë gjithashtu të identifikuar në të gjitha vendet dhe të njohur të gjithë për veprat e tyre.
