Modelja Sofia Richie që aspiron të bëhet një dizajnuese dhe këngëtare, si babai i saj Lionel, është vetëm 36 orë larg nga të qenit zyrtarisht e rritur.
Për ta festuar ditëlindjen e saj të 18-të do të organizohet një festë në një klub dhe sigurisht, një udhëtim romantik në Cabo San Lucas, Meksikë, me të dashurin e saj prej disa javësh, Justin Bieber.
Lajmin e ka bërë të ditur modelja 17-vjeçare, në një intervistë për “Billboard”, ku ka folur për marrëdhënien e saj me babanë, shqetësimin e tij për karrierën e saj dhe lidhjen me të dashurin Bieber.
Si një modele, Sofia tashmë është shfaqur në faqet e revistave më prestigjioze si: “Elle”, “Vogue” Kinë dhe “Vanity Fair Italia”, dhe në vitin 2015 ajo ishte fytyra e linjës për adoleshentë të Madonës.
Sofia ëndërron të bëhet një dizejnuese, të stilojë veshje:
“E dua modelingun sepse shoh gjithçka që më inspiron. Më pas shkoj në shtëpi dhe vizatoj”.
E rritur në familjen Richie, kreativiteti është një mënyrë e jetës së saj: Babai filloi t’i jepte mësime muzike që kur ishte 5 vjeç dhe leksione pianoje në moshën 7-vjeçare. Por duket se ajo thjesht nuk ishte rruga e duhur për Sofia-n:
“Të gjithë mendonin se e kishin idenë se si duhet të tingëllojë muzika ime dhe unë thjesht kërkoja që të isha individuale. Bëra një hap mbrapa dhe thashë, kam nevojë ta rivlerësoj këtë”.
Sa i përket marrëdhënies me Bieber modelja 17-vjeçare thotë:
“Ne kemi një marrëdhënie të veçantë. Me Justin është shumë e lehtë të bisedosh dhe është e vështirë të gjesh të tillë njerëz në Los Angeles”.
Ndërkohë, ajo thotë se është shumë e nevojshme prezenca e saj në shtëpi:
“Babai im e lë shtëpinë rrëmujë”,tregon modelja me të qeshur. “Më duhet t’i them atij të ndryshojë”.
Burimi: Billboard
