Një foto e vjetër ku Luana Vjollca, Marina Vjollca, Xhensila Myrtezaj dhe Anxhelina Hadërgjonaj shfaqen shumë të qeshura në prapaskenën e Top Fest, mund t’ju bëjë të filloni të numëroni gjithë gjërat që kanë ndryshuar në jetën tuaj.
Fotoja është shkrepur gjatë finales së Top Fest 8 në 2011-ën, ku Marina dhe Luana ishin bashkëprezantuese kurse Xhensila, Eliza dhe Anxhelina konkurronin. Fituese e këtij edicioni u shpall Elvana Gjata me këngën “Me ty”. Nuk na besohet se kanë kaluar 8 vite që atëherë!
Së pari, “Top Fest” nuk bëhet më prej 4 vitesh.
Së dyti, Luana s’i ka më flokët e kuqe. Gjithashtu, sot është një ndër imazhet kryesore të “Top Channel”.
Së treti, Marina nuk është më në “Top Channel” pasi siç e dimë, sezonin e kaluar u shpërngul në “Klan” dhe momentalisht është tërhequr nga televizioni.
Së katërti, Anxhelina duket sikur ka hequr dorë nga muzika, edhe pse në 2015-ën publikoi në Soundcloud dy projekte të reja, “Do it Rite” dhe “Love you better” të punuara në Amerikë, por ato janë fshirë tashmë.
Eliza Hoxha gjithashtu duket të jetë tërhequr tërësisht nga muzika këto kohë, duke iu dedikuar pasionit të saj për fotografinë dhe pikturën, duke realizuar disa ekspozita.
Duket se Xhensila është e vetmja që s’ka ndryshuar drejtimin e karrierës së saj. Vijon merret me muzikë dhe preferon baladat ashtu si 8 vite më parë.
Veçse sot, është mamaja e një vogëlusheje me emrin Ajka, që e lumturoi atë dhe bashkëshortin Bes Kallaku në korrik të vitit të kaluar.
